قبل تركيب السيراميك
هنالك نصائح مهمة يجب اتباعها عند تركيب السيراميك
- تركيب السيراميك مهم فيه تتأكد طبعا من نوع السيراميك ال انت طلبه كمان الفرز وهل فى مكسور ولا لئه واحصر المكسور شوفه نسبته اد ايه
- حدد نقطه البدايه ال هيتبدأ بيها ضروري جدا عشان يكون الجزء الظاهر من السيراميك فى المدخل بلاطه كامله والغلايق والسمك يكون فى جزء غير ظاهر من الارضيه خلف الاثاث وغيره
- علب الكهربا فى الحمام والمطبخ يفضل ان تكون متحركه ومش ثابته عشان بلاطه الديكور منقطعش فيها
- لازم نتأكد ان مواسير الكهربا تكون متغطيه بالمونه كويس عشان لا قدر الله متتقطعش من الصناعيه وتنسد
- تنظيف الشقه كويس جدا من الحصوه والجبس لان الحصوه بتعمل فراغات هواه والجبس بينفش لما يجى عليه ميه
- يفضل نوع الرمله خشن ونظيف
- يفضل تصوير الشقه جيدا وخصوصا اعمال السباكه عشان يبقى دليل لاماكن المواسير عشان لما نتقب للاكسسورات الصحى وغيره ميجيش فى ماسوره
- طرطشه حوائط الحمام والمطبخ قبل تركيب السيراميك
- يفضل طبعا ان الحمام والمطبخ يتمحر تأكيس وتربيع ونلزق الحوائط بماده عشان السيراميك ميتجرحش عند اللزق والفراغ يبقى متربع ويفرش صح وميعملش سمكه فى الارضيه
- التاكد من صرف مواسير الصرف الصحى فى اقل منسوب ممكن عشان منخدش فرشه كتير ونحمل على السقف
- التاكد من وجود اضاءه جيده فى الشثه لضبط الموازين
- تركيب كرونيشه سقف المطبخ والحمام او الجبسوبورد المعلق بعد السيراميك وليس قبله
- اياك اياك اياك تركيب سيراميك فى سقف الحمام والمطبخ لانه وارد ان السقف دا يحصل له رشح او صدا للحديد فينترالسيراميك فبلاش الحاجات الغريبه دى
- اختار الاجهزه الصحيه القعده والحوض والبانيو قبل ما تركب السيراميك لان مثلا لو اخترت قاعده وحوض معلق في الحالات دي بتعملها تاسيس قبل اصلا ما تركب السيراميك
- هتركب البانيو بعد تركيب السيراميك اكد على صنايعي السيراميك انه يضبط الزاويه اللي فيها قرنين البانيو بعنى يكونوا زاويه قائمه تماما علشان ما يبقاش في فراغ في ما بين البانيو والسيراميك
- التقطيع في السيراميك سواء لعلب كهرباء او مخرج حنفيه يكون بالصاروخ او الخواشه مش باي حاجه ثانيه علشان ما يخليش شكل السيراميك وحش
- المهم تكون واقف مع بتاع السيراميك لما بيجي يبدا الشغل علشان تحدد معها انت عايز السراميك بتاعك على العدل ولامايل بزاويه 45 درجه
- الميول في السيراميك بنعملها في الحمام وفي اي مكان في تجمع ميه فلو هتعمل مثلا بيبه في البلكونه او الحمام فعاوز تتاكد عامل الصح من خلال انك تجيب كوبايه ميه واكبها على الارض وتشوف الميه رايحه ولا لا
- خلي النقاش ينظف لك سيراميك الشقه وكمان الحمام والمطبخ ويسلمك على نظيف وتتفق معاه من الاول على كده ان النظافه عليه لان نظافه السيراميك من البويه متعبه جدا و ست البيت ما بتعرفش تعمل المهمه دي فانت من الاول تتفق مع ان هو لازم نبص لك السيراميك بالكامل وسوف تستلم لنظافه بنفسك
- اتأكد ان مسارت التكييف فى الارض عليها مونه لان القطع فيه هيعمل تسسم من الفريون
- يجب ان يكون سمك اللحامات متساوي على خط واحد على الاقل
- نبه على الصنايعى انه ميزودش مونه تحت السيراميك ازيد من 2 سم عشان السيراميك ميشرخش
- راعى هدر السيراميك واحسب مساحه الغرف ويفضل ان يكون فى لوحات شوب لكل الارضيات قبل تركيب السيراميك
- الافضل ان يكون الوزر متماشى تمام فى اللحامات مع الارضيه كمان حوائط المطبخ والحمام دا اذا كانت الرص ليس مائل
- استعمل الصليبة البلاستيكية لضبط سمك العرانيس بين البلاطات سواء للأرضي أو الحوائط.
- يجب ملىء كافة اللحامات بالأسمنت الأبيض بعد تركيب السيراميك
- العرانيس بين السيراميك لازم كلها تتملى كويس جدا ولو هيقطع سيراميك لازم بالماكينه بلاش بالصاروخ لانه بيعمل شرشره
- اشتري للصنايعى اعواد بلون البلاط عشان الزوايا فى المطبخ والحمام بتبقى شيك جدا وامان لانها بتكسرحرف الزاويه
- – لازم تستلم منه كل الزوايا 90 درجه بزاويه
- يجب متابعة أعمال تركيب السيراميك باستمرار في جميع المراحل عشان لو فى اى ملاحظات كمان نشوف بعنينا على مدى جودة التركيب والتأكد من الحصول على النتائج المطلوبة من حيث التصميم وقطع السيراميك
تصفح أيضاً
35 معلومه يجب معرفتها قبل تنفيذ اعمال المحارة
طريقة تركيب السيراميك بالأسمنت
